Ցանկանում եք սովորել անգլերեն, բայց լիովին չե՞ք պատկերացնում, թե ինչո՞ւ է դա ձեզ անհրաժեշտ: Umba Training-ում ձեզ համար առանձնացրել ենք հինգ պատճառ հենց հիմա անգլերեն սովորելու համար:
1. Կարիերայի աճ
Հավանաբար մեկ անգամ չէ, որ լսել եք, որ այսօր առանց անգլերենի իմացության պարզապես հնարավոր չէ: Յուրաքանչյուր բարձր վարձատրվող պաշտոն պահանջում է անգլերենի իմացություն: Նույնիսկ եթե ձեր աշխատավայրը չի պահանջում օտար լեզվի իմացություն, այս հմտությունը հաստատ առավելություն կլինի: Անցել են այն ժամանակները, երբ մարդիկ ամբողջ կյանքում միևնույն աշխատանքով էին զբաղվում։ Ամեն ինչ կտրուկ կարող է փոխվել ցանկացած պահի, բայց անգլերենի իմացությունը միշտ բարձր է գնահատվում և հզոր գործիք կարող է լինել կարիերայի զարգացման գործում:
2. Ճամփորդելու հնարավորություն
Անգլերենը Երկիր մոլորակի վրա ամենաշատ գործածվող լեզուն է: Անգլերենի հիանալի իմացությունը կօգնի ձեզ ճանապարհորդել ցանկացած երկրում՝ առանց էքսկուրսավարի օգնության։ Դուք կարող եք հեշտությամբ տեղի բնակիչներից խնդրել ձեզ ճանապարհ, հասցեներ ցույց տալ, դիմել նրանց օգնության համար, եթե ինչ-որ բան պատահի, ինչպես նաև օգտակար ծանոթություններ հաստատել:
3. Ինքնազարգացում
Օտար լեզու սովորելը թույլ է տալիս անընդհատ զարգանալ։ Սովորելով անգլերեն՝ դուք ոչ միայն ծանոթանում եք լեզվի բառապաշարին և քերականությանը, այլև զգալիորեն ընդլայնում եք ձեր մտահորիզոնը։ Դուք սկսում եք հետաքրքրվել անգլիախոս երկրների պատմությամբ, ավանդույթներով և մշակույթով, ուսումնասիրում եք դրանց տեսարժան վայրերն ու բացահայտում հետաքրքիր փաստեր անգլիացիների և անգլերենի մասին:
4. Գրքերը բնօրինակով կարդալու հնարավորություն
Համաձայնեք, որ որևէ հետաքրքիր գրքի թարգմանությանը սպասելը շատ ձանձրալի է։ Կարող է տարիներ տևել, մինչև ցանկալի գիրքը հայտնվի թարգմանված տարբերակով։ Այնինչ հենց հիմա ես ուզում կարդալ այն:
Անգլերենի իմացության շնորհիվ կարող եք այդ գրքերը կարդալ բնօրինակով: Սա հատկապես վերաբերում է բեսթսելլերներին և գեղարվեստական գրքերին, որտեղ թարգմանությունը միշտ փոքր-ինչ խեղաթյուրում է հեղինակի միտքը:
5. Պաշտոնական ծրագրերի հետ աշխատելու հնարավորություն
Անգլերենը պաշտոնական համակարգչային ծրագրերի և բջջային հավելվածների մեծամասնության հիմնական լեզուն է: Եթե դուք լավ եք տիրապետում անգլերենին, ապա կարող եք հեշտությամբ օգտագործել պաշտոնական կայքերի հավելվածները՝ առանց ձեր սարքի անվտանգության համար մտահոգվելու: Եթե ձեր համակարգչի կամ հեռախոսի համակարգը խափանվի, դուք նույնկերպ կկարողանաք հասկանալ, թե ո՞ր խնդիրն է հանգեցրել անկայուն աշխատանքի և ինչպե՞ս այն լուծել: Եթե խափանումը լուրջ է, ապա դուք կարող եք տեխնիկական աջակցության կենտրոնից օգնության կարիք ունենալ, որոնց հետ շփումը հաճախ նույնպես անգլերենով է իրականացվում:
Անգլերենը ներթափանցում է մեր կյանքի բոլոր ոլորտներ: Ժամանակակից աշխարհում հարմարավետ կյանքի համար շատ կարևոր է օտար լեզվի իմացությունը։ Եկե՛ք Umba Training, և մենք կօգնենք ձեզ բարելավել ձեր անգլերենի մակարդակը և կուրախացնենք ձեզ ձեր ստացած մեծ արդյունքներով: