Ինչպե՞ս դառնալ Java ծրագրավորող

Այս հոդվածում կխոսենք այն նրբությունների մասին, թե ինչպես դառնալ Java ծրագրավորող։

Համառոտ՝ Java-ի մասին

Java-ն ծրագրավորման լեզու է, որը հիմնված է C և C++ գործառույթների բազայի վրա։ Դրա կոնցեպցիան առաջին անգամ ներկայացվել է Green Team-ի կողմից՝ Sun Microsystems-ի ստորաբաժանումը՝ Ջեյմս Գոսլինգի գլխավորությամբ: Ծրագիրը մշակողները դրա լեզուն դարձրին պարզ, բայց բազմաթելային, հարթակից անկախ և պաշտպանված: Java-ն օբյեկտի վրա հիմնված լեզու է, այն կազմակերպում է աշխատանքը օբյեկտների և ոչ թե ֆունկցիաների ու ապրանքաշրջանառության, կոմերցիոն ծրագրերի շուրջ:

Բջջային հավելվածները, ներառյալ գիտականները, խաղերը, ծրագրային գործիքները, աշխարհահռչակ Amazon-ը, Spotify-ը, Minecraft-ը հիմնված են Java-ի վրա։ Բազմակողմանիությունը (աշխատում է ցանկացած հարթակում), արագությունն ու անվտանգությունը առավելություններ են, որոնք թույլ են տալիս արդեն երկար տարիներ մնալ բարձունքում: 1995 թվականին Java-ի ի հայտ գալուց ի վեր աշխարհում հայտնվել և զարգացել են ծրագրավորման այլ լեզուներ, սակայն Java-ն մնում է պահանջված և տարածված:

Ո՞վ է Java ծրագրավորողը և ինչո՞վ է նա զբաղվում

Java ծրագրավորողը ստեղծում է ծրագրակազմ, վեբ կայքեր և հավելվածներ՝ մասնագիտացած է Backend-ի մշակմամբ: Այսինքն՝ վերահսկում է արտադրանքի գաղափարների մշակման գործընթացը փաստաթղթերի և արտեֆակտների կառուցվածքային փաթեթի մեջ, որոնք հարմար կլինեն արտադրանքի կամ ծառայության հետագա զարգացման նպատակով օգտագործելու համար, որպեսզի բոլոր գործառույթները ճիշտ աշխատեն։ Օրինակ, երբ Kinopoisk-ի օգտատերը ցանկանում է ֆիլմ ավելացնել «Ընտրյալներ» բաժնում, միանում է Backend-ը, կոճակը սեղմելիս ֆիլմը տվյալների բազայից տեղափոխվում է պրոֆիլ: Java ծրագրավորողը ապահովում է, որ հավելվածն արագ աշխատի և փոխազդի այլ համակարգերի հետ:

Թե ինչ բաժնով կզբաղվի Java ծրագրավորողը, կախված է իր աստիճանից՝ կրտսեր, միջին կամ ավագ: Կրտսեր մասնագետը, քանի որ նոր է հմտանում իր մասնագիտության մեջ, և նրա փորձը սահմանափակ է, ունենում է հետևյալ պարտականությունները՝

• Կոդ գրել;
• Ուղղել պարզ սխալները;
• Թեստավորել կոդերը;
• Պատրաստել հրահանգներ օգտվողների համար;
• Շարունակել զարգացնել Java ծրագրավորման իր հմտությունները:

2-3 տարվա աշխատանքային փորձից հետո Java-ի կրտսեր ծրագրավորողը զարգացնում է իր հմտությունները և վերածվում միջին ծրագրավորողի: Աստիճանի հետ մեկտեղ փոխվում են նաև նրա պարտականությունները՝

• Աշխատել ավելի բարդ կոդի և սխալների հետ;
• Ստուգել թեստավորումները;
• Պլանավորել նախագծեր;
• Ստեղծել հրահանգներ օգտվողների համար;
• Աշխատել հաճախորդների հետ;
• Կրտսեր մասնագետների վերապատրաստում:

Երբ ծրագրավորողը կուտակել է 5+ տարվա փորձ և արդեն ՏՏ բիզնես համակարգից շատ լավ գլուխ է հանում, նա համարվում է ավագ մասնագետ կամ ավագ Java ծրագրավորող։ Այնուհետև առաջադրանքների շրջանակը դառնում է այսպիսին՝

• Պլանավորել, խորհրդակցել և մանրակրկիտ վերլուծել բարդ արտադրանքները;
• Աշխատել հաճախորդների հետ;
• Կառավարել արտադրանքի վերջնական փուլը:

Ի՞նչ պետք է իմանա և կարողանա անել Java ծրագրավորողը

Java ծրագրավորողը նախ պետք է ստանա տեխնիկական կրթություն՝ հասկանալու համար, թե ինչպես են աշխատում հավելվածները: Անգլերենի իմացությունը նույնպես կդիտվի որպես առավելություն, քանի որ շատ ձեռնարկներ թարգմանված չեն ռուսերեն։

Ընկերությունում պրակտիկանտ դառնալու համար անհրաժեշտ են հետևյալ հմտությունները.

• Հասկանալ Java-core - հասկանալ լեզվի հիմնական կառուցվածքները, աշխատել դրանց ֆունկցիաների հետ:
• Կողմնորոշվել գրադարանների շրջանակում- իմանալ, թե որտե՞ղ փնտրել ձևանմուշներ, ի՞նչ առաջադրանքների համար են հարմար գրադարանների որոշակի դասեր:
• Տիրապետել Ֆրեյմվորկին՝ շրջանակներին, որոնք սահմանում են ծրագրի կառուցվածքը: Հիմնականը Spring-ն է՝ բաց կոդով հարթակ, որն ապահովում է ենթակառուցվածքային աջակցություն Java հավելվածների մշակման համար՝ թույլ տալով ստեղծել դրանք ավելի արագ և հարմարավետ կերպով։
• Կարողանալ աշխատել տվյալների բազաների հետ, իմանալ Oracle, MS SQL Server, MySQL, Postgres համակարգերի առանձնահատկությունները և աշխատել դրանց հետ՝ օգտագործելով SQL հրամանները:
• Հասկանալ Git տարբերակի կառավարման համակարգը: Այն ցույց է տալիս կոդի փոփոխությունների պատմությունը և անփոխարինելի է թիմային աշխատանքի դեպքում:

Ինչպե՞ս զրոյից դառնալ Java ծրագրավորող

Նրանք, ովքեր հետաքրքրվում են, թե ինչպես զրոյից դառնալ Java ծրագրավորող, ընտրության երկու տարբերակ ունեն: Առաջինն ինքնուրույն սովորելն է: Երկրորդը՝ Java ծրագրավորողի մասնագիտության դասընթաց անցնելը։

Սովորում ենք ինքնուրույն

Այս դեպքում օգնության կգան ինքնուսուցման գրքերը, օրինակ, Head First Java by Cathy Sierra and Bert Bates-ը հարմար է սկսնակների համար և կօգնի նրանց հասկանալ լեզվի առանձնահատկությունները: Զրոյից սովորողների համար լավ ձեռնարկ է նաև Հերբերտ Շիլդտի «Java. Ուղեցույց սկսնակների համար» գիրքը: Նրանց համար, ովքեր արդեն զբաղվում են Java-յով, խորհուրդ ենք տալիս հեղինակի մեկ այլ գիրք՝ «Java. Ամբողջական ուղեցույց»: Բրյուս Էքելի «Ջավայի փիլիսոփայությունը» գիրքը առավել խորացված է ներկայացնում նյութը, տալիս է բազմաթիվ օրինակներ ու համեմատություններ: Այն հարմար է նրանց համար, ովքեր այլ լեզուներից անցում են կատարում Java-ի, այն թույլ կտա հասկանալ, թե ինչ է անում Java ծրագրավորողը:

Java դասընթաց 0-ից

Դասընթացները ապահովում են արդի, կառուցվածքային տեղեկատվություն՝ զուգորդված հսկայական պրակտիկայով: Մենք Umba Training-ում ստեղծել ենք «Java Developer» անհատական ​​առցանց դասընթաց, որտեղ ուսուցումը տեղի է ունենում ուսանողի համար հարմար ժամանակացույցով:

Մասնակցելով ծանոթության անվճար բաց դասին՝ կծանոթանաք մասնագետի հետ, կստանաք ձեզ հուզող բոլոր հարցերի պատասխանները և արդյունքում կկարողանաք ճիշտ որոշում կայացնել դասընթացի ընտրության հարցում: