Այս անգամ կպատմենք ձեզ SMM մասնագետի հմտությունների մասին, այն մասին, թե ինչպես զարգացնել դրանք, օգուտ բերել բիզնեսին, դառնալ պահանջված և վաստակել մեծ գումարներ։
Քայլ 1. Սովորե՛ք որոշել և առանձնացնել ձեր թիրախային լսարանը
SMM մասնագետի հիմնական խնդիրն է սոցիալական ցանցերում ներգրավել ոչ միայն շատ բաժանորդների, այլ այնպիսի հաճախորդների, ովքեր պոտենցիալ հետաքրքրված են արտադրանքով: Դա անելու համար դուք պետք է ստեղծեք թիրախային լսարանի դիմանկար, պարզեք, թե ինչն է նրանց անհանգստացնում և ինչ խնդիրներ են ուզում լուծել:
Սկսե՛ք թիրախային լսարանի հնարավոր ներկայացուցչի սեռից, տարիքից և բնակության վայրից: Մտածե՛ք, թե ի՞նչ հետաքրքրություններ ունի ձեր հաճախորդը:
Քայլ 2. Գրե՛ք գրավիչ կոնտենտ
Եթե մտածում եք այն մասին, թե որտեղից սկսել քայլերն SMM-ում, ապա փորձե՛ք մի քանի գրառում անել ձեր անձնական էջում։ Փորձե՛ք, մինչև հասնեք առնվազն մի քանի տասնյակ հավանումների և վերահրապարակումների: Եթե ստացվի ստիպել ձեր ընկերներին ակտիվորեն մեկնաբանել, ապա դուք տաղանդ ունեք:
Փաստն այն է, որ մարդիկ սոցիալական ցանցերից չեն օգտվում գնումներ կատարելու նպատակով։ Այստեղ նրանք փնտրում են հետաքրքիր բովանդակություն և կենդանի շփում։ Եթե բիզնես համայնքում գրավիչ գրառումներ չլինեն, ձեր հետևորդները կհեռանան, և դուք կմնաք առանց աշխատանքի:
Ուշադրություն դարձրե՛ք. Facebook-ը և Instagram-ն ունեն այսպես կոչված «խելացի հոսքեր» (Smart Feed): Բաժանորդները չեն տեսնում ձեր ամբողջ բովանդակությունը նորություններ դաշտում, միայն այն, ինչ ցուցադրվում է նրանց: Ավելի մեծ հասանելիության հասնելու համար փորձե՛ք գրել այնպես, որ մարդիկ ցանկանան մեկնաբանել և հավանել ձեր գրառումները, դա կօգնի նրանց օրգանական տարածմանը:
Քայլ 3. Ստեղծե՛ք վաճառվող գրառումներ
Միայն հավանումները, վերահրապարակումները և մեկնաբանությունները հիանալի են, եթե դուք պարզապես բլոգեր եք: Իսկ եթե ցանկանում եք դառնալ SMM մասնագետ, ապա պետք է սկսեք ստեղծել ոչ միայն հետաքրքիր, այլև վաճառող բովանդակություն:
Ձեր գրառումը պետք է օգտատիրոջը մոտիվացնի կատարելու ցանկալի գործողություն: Նման նյութ ստեղծելու ունիվերսալ մեթոդ չկա, դուք պետք է պարզապես փորձարկեք: Դրա համար ահա մի քանի խորհուրդ՝
- Կենտրոնացե՛ք հաճախորդի խնդրի վրա: Պատասխանե՛ք այն հարցին, թե ինչպես կփոխվի իրավիճակը, եթե նա գնի ձեր պրոդուկտը։
- Խուսափե՛ք դատարկ գովասանքներից, օգուտներն ապացուցե՛ք փաստերով։
- Կանխատեսե՛ք հիմնական առարկությունները և անմիջապես արձագանքեք դրանց: Օրինակ, եթե ապրանքի գինը բարձր է, բացատրեք, թե ինչո՞ւ:
- Օգտագործեք ժամանակային սահմանափակում՝ դասական մարքեթինգային տեխնիկա, որը կօգնի հաճախորդին արագ որոշում կայացնել:
- Ներկայացրե՛ք սոցիալական ապացույց, օրինակ՝ նշե՛ք, թե քանի մարդ է արդեն օգտվում ձեր պրոդուկտից և գոհ է:
Քայլ 4. Նկարե՛ք ֆոներ և բաններներ
SMM մասնագետից սովորաբար չի պահանջվում ունենալ արվեստագետի կրթություն կամ իլյուստրատորի հմտություններ, բայց դուք պետք է կարողանաք ձևանմուշ նկարել գրառումների համար, պատրաստել պաստառ (բաններ) և ուղղակի փոխարինել նկարի ֆոնը:
Ի դեպ, եթե չեք ցանկանում գնել Photoshop, օգտագործե՛ք դրա անվճար առցանց տարբերակը, դա բավարար կլինի այն առաջադրանքների համար, որոնք անհրաժեշտ են SMM մասնագետին:
Քայլ 5. Իմացե՛ք, թե ինչպես անել թիրախավորված գովազդ (Targeting)
Թարգեթինգային գովազդի օգնությամբ SMM մասնագետները ներգրավում են հազարավոր բիզնես հաճախորդների: Ձեր խնդիրն է հասկանալ համակարգը և փորձել սկսել ձեր առաջին «արշավը»: Եթե ամեն ինչ լավ ընթանա, և դուք ճիշտ լսարան թիրախավորած լինեք, ապա շուտով ձեր գրառման սեղմումները կավելանան:
Քայլ 6. Վերլուծե՛ք արդյունքները
Եթե դուք արդեն մի քանի շաբաթ աշխատել եք խմբային կամ անձնական էջի հետ, ապա սոցիալական ցանցերը բավականաչափ վիճակագրություն կուտակել են վերլուծություն կատարելու համար։
Տեսե՛ք, թե «խելացի հոսքեր»-ի (Smart Feed) ո՞ր գրառումներն են ավելի հաճախ ցուցադրվել օգտատերերին, քան մյուսները. դրա համար պատասխանատու է թիրախային ընդգրկվածության ցուցիչը: Ինչի՞ն են ավելի լավ արձագանքել բաժանորդները, ի՞նչ թեմաներ են ավելի շատ քննարկվել։
Փնտրե՛ք օրինաչափություններ, որոնք թույլ կտան ձեզ ավելի ակտիվացնել և մեծացնել հետևորդների շրջանակը:
Շարունակե՛ք ընդլայնել ձեր գիտելիքները
Եթե պատրաստ եք սկսել սովորել, ապա միացե՛ք մեր «SMM դասընթաց սկսնակների համար» դասընթացին և ընդամենը 1 ամսում ձեռք կբերեք համապատասխան գիտելիքներ այդ ոլորտում աշխատանք գտնելու և այն լիարժեք իրականացնելու համար: