Ինչպե՞ս ինքնուրույն սովորել հունարեն

Եթե սովորել եք անգլերեն, ապա հավանաբար լսել եք «It’s all Greek to me» (Ինձ համար ամեն ինչ հունարեն է) արտահայտությունը: Բրիտանացիներն այն օգտագործում են նկարագրելու համար մի բան, որն իրենց համար անծանոթ է և դժվար հասկանալի: Այնուամենայնիվ, մի՛ անհանգստացեք: Այո՛, հունարենն իսկապես դժվար է, բայց ոչ ավելի, քան ցանկացած այլ եվրոպական լեզու, ուստի այն շատ ավելի հեշտ է սովորել, քան, օրինակ, ճապոներենը կամ չինարենը:

Եթե ​​դուք արդեն գիտեք այբուբենը և սկսել եք կարդալ հունարեն բառեր, ապա ժամանակն է համատեղել ընթերցանությունը լսելու հետ: Լսե՛ք երաժշտություն և դիտե՛ք տեսանյութեր տարբեր հարթակներում. սովորաբար տեսանյութերի դեպքում կարող եք արագացնել, դանդաղեցնել կամ նույնիսկ ամբողջությամբ դադարեցնել նվագարկումը: Սա կօգնի ձեզ ավելի լավ հասկանալ արտասանությունը, ինչպես նաև հասկանալ որոշ բառեր, որոնք հստակ չեք լսել: Հենց որ սկսեք հասկանալ տեղեկատվության մեծ մասը, կարող եք անջատել ենթագրերը կամ արագացնել աուդիոն՝ ձեզ համար առաջադրանքն ավելի դժվարացնելու համար:

Բացի այդ, դուք կարող եք քննարկել ձեր դիտած տեսանյութը կամ ֆիլմը Umba Training-ում հունարենի լեզվակիր-ուսուցչի հետ: Ուսուցիչը կարող է բացատրել այն հատվածները, որոնք դուք չեք հասկանում, և սեղմ ժամանակում պատասխանել ձեր ցանկացած հարցին:

Հունարեն սովորելու արդյունավետ մեթոդներ

Խաղացե՛ք

Ցանկացած լեզու սովորելու սկիզբը պետք է զվարճալի լինի, հակառակ դեպքում մոտիվացիան արագ կանցնի: Հունարենի դեպքում նույնպես այս սկզբունքը գործում է, ուստի ուսուցիչներն առաջարկում են ուսուցման գործընթացում ավելացնել խաղեր։ Որպես կանոն, դրանք բառապաշարը ընկալելու կամ սովորածը անգիր հիշելու խաղեր են, քանի որ միտված են խթանելու երկարաժամկետ հիշողությունը, օգնում են ավելի լավ յուրացնել նյութը և հաջողությամբ կիրառել այն ապագայում։ Խաղերի շնորհիվ սովորելը դառնում է հեշտ՝ առանց ավելորդ մտավոր սթրեսի, ինչը հատկապես կարևոր է սկսնակների համար, ովքեր դեռ չեն հաղթահարել լեզվական խոչընդոտները։

Կենտրոնացե՛ք ճիշտ նպատակների վրա

Ուրեմն այսպես, դուք արդեն սովորել եք հունարեն այբուբենը, կարողանում եք վստահ կարդալ բառերը և նույնիսկ տեսահոլովակներ լսելիս կամ տեսանյութեր դիտելիս հասկանալ խոսքը: Հնարավոր է, որ դուք արդեն գրանցվել եք մասնավոր դասերի և նույնիսկ սկսել եք դրանք: Ամեն դեպքում, մի՛ մոռացեք կարևոր կանոնի մասին՝ հետևողականորեն հասնել նպատակներին և ճիշտ նպատակներ դնել։

Յուրաքանչյուր բայ, յուրաքանչյուր ժամանակաձև և յուրաքանչյուր նոր բառ սովորելու փոխարեն կենտրոնացե՛ք այն ամենի վրա, ինչն այդ պահին կարևոր է ձեզ համար: Օրինակ, եթե դուք ծրագրում եք հանգստանալ Հունաստանում, ձեզ հարկավոր կլինի զբոսաշրջության հետ կապված բառապաշար, կենտրոնացե՛ք դրա վրա: Եթե ​​դուք նախատեսում եք սովորել արտասահմանում, ձեր նախատեսվող ուսումնական ծրագրի թեմաներն ու բառապաշարը պետք է լինեն ձեր առաջնահերթությունը: Բացի այդ, ձեզ կարող է հունարենն անհրաժեշտ լինել աշխատանքի և կարիերայի հետ կապված որոշակի ոլորտներում: Որոշե՛ք, թե կոնկրետ ի՞նչ է ձեզ անհրաժեշտ և շարժվե՛ք տվյալ ուղղությամբ։

Երբ հստակ սահմանեք ձեր հետաքրքրության շրջանակը, հունարեն սովորելն առցանց կամ դասընթացների ընթացքում շատ ավելի հեշտ կլինի: Դուք կկարողանաք արագ սովորել ամենատարածված բայերը, թեմատիկ տերմինաբանություն  և այլ բառեր տվյալ ոլորտից: Այդ նպատակով կարող եք օգտվել անհրաժեշտ բառերը գրելու և ուսումնասիրելու համար նախատեսված քարտերից:

Եվ, իհա՛րկե, կարող եք գրանցվել Հունարենի առցանց դասընթացներին:

Վերջապե՛ս կարող եք սովորել հունարեն առցանց, այն էլ՝ վկայագրված ուսուցչի հետ՝ ստանալով հունարեն սովորելու մի մեծ խթան: Umba Training-ի ուսուցչի հետ դասերն ունեն այնպիսի առավելություններ, ինչպիսիք են սխալների ուղղումը, նաև թույլ կողմերի հաղթահարումը և այնպիսի խնդիրների հայտնաբերումն ու լուծումը, որոնք դուք հնարավոր է չկարողանաք ինքնուրույն նկատել:

Բացի այդ, մեր դասընթացներին մասնակցելով, կարող եք ստանալ վկայական, որը կարող եք օգտագործել աշխատանքի դիմելու, համալսարան ընդունվելու և այլնի համար: