Ցանկանում ես անգլերեն սովորել, բայց երբեմն չե՞ս կարող ֆիզիկապես ներկա լինել դասերին: Սա այն խնդիրն է, որին առընչվում են բոլորը, բայց դա չի նշանակում, որ Դուք պետք է մի կողմ դնեք անգլերեն սովորելու Ձեր երազանքը: Առցանց անգլերեն սովորելու հնարավորություն մի՛շտ կա:
Ահա մի քանի խորհուրդ, որ օգտակար կլինեն Ձեզ համար:
1․ Դրե՛ք նպատակ Ձեր առջև՝ կազմելով ուսումնական պլան
Նոր լեզու սովորելը կարող է թվալ բարդ ու ճնշող խնդիր, հատկապես, եթե դա ինքնուրույն ես անում: Ռազմավարություն և պլան մշակելը կարևոր է հստակ ուղղվածություն սահմանելու ու ավելի մեծ նպատակը փոքր, հասանելի նպատակների բաժանելու համար:
Այս կերպ կարող եք ոչ միայն հասնել հաջողության, այլև դրական տեմպերով առաջ շարժվել:
2․ Հետևեք առցանց հեղինակավոր աղբյուրներում առկա անգլերեն լեզվով ուղեցույցներին
Համացանցը լի է նյութերով, որոնք կարելի է օգտագործել առցանց անգլերեն սովորելու համար: Անգլերենի դասավանդման շատ հեղինակավոր դպրոցներ ու հարթակներ պարբերաբար հրապարակում են նյութեր, խորհուրդներ ուսուցիչների կողմից, թե ինչպես սովորել անգլերեն առցանց:
Փնտրեք այս հոդվածները և կիրառի՛ր խորհուրդները:
3․ Կարդացեք թարմ հոդվածներ կամ նորություններ
Մեր օրերում մարդիկ հիմնականում կարդում են առցանց։ Անգլերեն սովորելու ուղիներից մեկը կայքերում շրջանառվող նորություններին ու աշխարհում կատարվող իրադարձություններին անգլերեն լեզվով հետևելն է: Հանրաճանաչ բլոգներում կամ ամսագրերի կայքերում հոդվածներ կարդալը լավ միջոց է առօրյա կիրառվող լեզուն սովորելու համար:
Դուք կկարդաք և կուսումնասիրեք տարբեր թեմաներ, կբարելավեք քո ընթերցանության հմտությունները և առանց ջանքերի ձեռք կբերեք նոր բառապաշար:
4․ Դիտեք ֆիլմեր և լսեք աուդիոգրքեր
Անգլերեն առցանց սովորելու ամենահեշտ ձևերից մեկը անգլալեզու ֆիլմեր կամ հեռուստահաղորդումներ դիտելն է: Անգլերեն սովորելու մեկ այլ ավելի քիչ տարածված միջոց է YouTube-ի աուդիոգրքերն օգտագործելը, ի լրումն այն անգլերեն գրքերի, որը Դուք գուցե կարդում եք: Այս կերպ Դուք կարող եք լսել, թե ինչպես են բառերն արտասանվում և ինչ ձայնային տոնայնությամբ են հնչում նախադասությունները:
Անգլերեն սովորելիս կարևոր է ունենալ նաև ֆիլմի կամ աուդիոգրքի բովանդակության հետ կապված առաջադրանքներ ու վարժություններ. հնարավոր չէ՛ սովորել միայն դիտելով և լսելով:
5․ Շփվեք ընկերների հետ տարբեր երկրներից
Այն ժամանակ, երբ դեռ Ինտերնետ գոյություն չուներ, մարդիկ նամակագրություն էին պահպանում իրենց օտարերկրյա ընկերների հետ՝ նոր լեզուներ սովորելու նպատակով: Այս սովորույթն այսօր օտար է մարդկանց, սակայն դրա հիմքում ընկած հայեցակարգը դեռևս արդիական է։
Եթե ունեք ընկերներ տարբեր երկրներից, գրեք նրանց անգլերենով, որպեսզի զարգացնեք գրավոր անգլերենը:
6․ Հետևեք YouTube-յան համապատասխան ալիքներին
Անգլերեն սովորելը կարող է լինել անհատական պարապմունքի պես: Youtube-ի կիրառումը թույլ է տալիս դասարանային պարապմունքի տպավորություն ստանալ: Կան տեսանյութերի անթիվ հավաքածուներ, որտեղ բացատրվում է քերականությունը, սովորեցվում է նոր բառապաշար, տեղադրված են երկխոսությունների բազմաթիվ օրինակներ ու ցանկացած այլ բան, որ Դուք հնարավոր է երազում եք սովորել:
7․ Գրանցվեք անգլերեն առցանց դասընթացներին
Վերջապե՛ս կարող եք սովորել անգլերեն առցանց, այն էլ՝ վկայագրված ուսուցչի հետ՝ ստանալով անգլերեն սովորելու մի մեծ խթան: Umba Training-ի ուսուցչի հետ դասերն ունեն այնպիսի առավելություններ, ինչպիսիք են սխալների ուղղումը, նաև թույլ կողմերի հաղթահարումը և այնպիսի խնդիրների հայտնաբերումն ու լուծումը, որոնք Դուք հնարավոր է չկարողանաք ինքնուրույն նկատել:
Բացի այդ, մեր դասընթացներին մասնակցելով, կարող եք ստանալ վկայական, որը կարող եք օգտագործել աշխատանք դիմելու, համալսարան ընդունվելու և այլնի համար: