Ցանկացած գործարար՝ կլինի խանութի, թե մաքրման ծառայության սեփականատեր, հոգեբան, թե պարզապես բլոգեր, յուրաքանչյուրը գրագետ մարքեթինգի կարիք ունի: Եկե՛ք քննարկենք, թե Instagram-ում SMM խթանման հիմունքներից ո՞ր քայլերը կարելի է առաջնային կիրառել էջը գովազդելու համար:
Ի՞նչ է SMM-ը և ինչի՞ համար է այն
Social media marketing-ը կամ կարճ SMM-ը սոցիալական մեդիա մարքեթինգ է: Այն հիմված է հաճախորդների ներգրավման կամ, բլոգերների դեպքում, բովանդակությամբ հետաքրքրված օգտատերերի ներգրավման վրա։
Ինչի՞ համար է SMM-ը
1. Էջը գովազդելու համար։ Օգտագործելով SMM գործիքները՝ կարելի է ավելացնել էջի դիտումները, նոր բաժանորդների քանակը և պահպանել հները:
2. Նոր գնորդներ և հաճախորդներ գտնելու համար: Փորձառու SMM մենեջերը գիտի, թե ինչ գործիքներ է պետք օգտագործել սոցիալական մեդիա հարթակում ոչ թե պատահական այցելուներ, այլ թիրախային լսարան գրավելու համար, ովքեր հետաքրքրված են արտադրանքով։
3. Բրենդի դիրքավորման համար: Յուրաքանչյուր ընկերություն ունի իր առաքելությունը, նպատակներն ու քաղաքականությունը: Հայտնի ապրանքանիշերի պաշտոնական սոցկայքերը պետք է ներգրավվեն հիմնական մարքեթինգային արշավներում և ցուցադրեն ամբողջ ապրանքանիշի բնույթը: Instagram-յան SMM-ում հայտնի եզրույթ է «անձնական բրենդինգը»: Շատ մարդիկ ապրանքը գնում են ոչ միայն որակի համար, այլև զուտ ապրանքանիշի սեփականատիրոջը աջակցելու համար։
4. Համախոհներ գտնելու համար։ Որքան էլ որ Instagram-ը հանդիսանա փող աշխատելու հարմար հարթակ, շատ բլոգերներ սոցիալական ցանցը դիտարկում են որպես մարդկանց հետ իրենց հետաքրքրող թեմաների շուրջ շփվելու միջոց։ Սա հաճախ հանդիպում է անմիջական մթնոլորտ ունեցող փոքր բլոգներում, որտեղ շեշտը դրվում է հարմարավետ շփման և բաց երկխոսության վրա: Եվ այս դեպքում բացառապես պրոֆիլում կառուցված մարքեթինգից է կախված, թե արդյոք կմիանան բլոգին բաժանորդներ, ովքեր կիսում են հեղինակի գաղափարները։
Ի՞նչ է իրենից ներկայացնում SMM մասնագետի աշխատանքը
SMM մասնագետի պարտականությունները կախված են այն բանից, թե հաճախորդը ինչ առաջադրանքներ է դրել նրա առաջ: Instagram-ում առաջխաղացման հիմնական փուլերն են.
1. Համապատասխան ռազմավարության մշակում. Անձնական բլոգի և խանութի հաշվի առաջխաղացումը շատ տարբեր կլինի: SMM շուկայավարը գիտի, թե ինչ տեսակի խթանում պետք է առաջարկել յուրաքանչյուր կոնկրետ դեպքում:
2. Մրցակիցների վերլուծություն: Սոցիալական ցանցերում ապրանքների հաջող առաջարկ ձևավորելու համար դուք պետք է ծանոթ լինեք շուկայում առկա բոլոր նմանատիպ առաջարկներին: Սա կօգնի ձեզ տարբերվել մրցակիցներից և զբաղեցնել ձեր ուրույն տեղը:
3. Թիրախային լսարանի ուսումնասիրություն: Սա SMM մենեջերի ամենակարևոր հմտություններից մեկն է: Բլոգի ողջ բովանդակությունը, ինչպես նաև գովազդը, ստեղծվում են կոնկրետ տեսակի օգտատերերի պահանջներին համապատասխան: Օրինակ, եթե դուք վաճառում եք մարաթոններ հրապարակումների միջոցով՝ ուղղված առաջին կուրսի ուսանողներին, բայց իրականում դրանք առավել կցանկանային գնել ծննդաբերության արձակուրդում գտնվող մայրերը, ապա ձեր առաջարկը այդպես էլ հասցեատեր չի գտնի, քանի որ դրանք տարբեր թիրախային լսարաններ են: Եվ նույն կերպ այն թիրախային առաջարկները, որոնք կարող են արդունավետ լինել ուսանողների դեպքում, բացարձակապես անօգուտ կլինեն ամուսնացած և երեխա ունեցող կանանց շրջանակում։
4. Պրոֆիլային փաթեթավորում: Սա ձեր օգտահաշվի ամբողջական նախապատրաստումն է գովազդի գործարկման համար: SMM մենեջերը վերահսկում է ամեն ինչ՝ հրապարակումների համար լուսանկարներ ընտրելուց մինչև պատմությունների (story) բովանդակություն: Սա նաև օգնում է ձևավորել ավատար, պատրաստել գովազդային նկարագրություն և մտածել ապրանքի վաճառքի բոլոր փուլերի մասին:
5. Կոնտենտ-պլանի ստեղծում: SMM մասնագետը որոշում է, թե ինչի մասին գրել բլոգում՝ հաճախորդի նպատակին հասնելու համար: Նա ընտրում է հարմար ձևաչափեր, օգտագործում է վաճառքի ձագար և ներգրավման այլ տեխնիկաներ:
Ինչպե՞ս դառնալ պահանջված SMM մասնագետ
Եթե պատրաստ եք սկսել սովորել, ապա միացե՛ք մեր «SMM դասընթաց սկսնակների համար» դասընթացին և ընդամենը 2 ամսում ձեռք կբերեք համապատասխան գիտելիքներ այդ ոլորտում աշխատանք գտնելու և այն լիարժեք իրականացնելու համար: