Սոցիալական մեդիայի մենեջերը սովորաբար պատասխանատու է ընկերության սոցիալական հարթակներում ներգրավվածության խթանման գործում: Այդ դերում հաջողության հասնելու համար SMM մասնագետը հաճախ պետք է ունենա արտադրանքը ճիշտ ներկայացնելու հմտություն, դիզայներական գիտելիքներ, ինչպես նաև վերլուծելու կարողություն, թե ինչը կհետաքրքրի լսարանին և ինչը՝ ոչ:
Շնորհիվ հաճախորդներին հասնելու և գրավելու ունակության, նրանց կարիքների, ցանկությունների և հակակրանքների մասին իմանալու՝ սոցիալական մեդիան դարձել է մարքեթինգի մի մաս: Այն տարածված է ամենուր և կիրառվում է բիզնես կազմակերպությունների, տարբեր բրենդների, պետական պաշտոնյաների, հայտնիների և այլ օգտատերերի կողմից, ովքեր ունեն սոցիալական կայքերի էջեր և անմիջապես շփվում են հետևորդների հետ, ինչը նշանակում է, որ սոցիալական մեդիայի մենեջերի աշխատանքը կարող է առընչություն ունենալ տարբեր ոլորտների հետ:
Այս հոդվածում մենք կուսումնասիրենք SMM մասնագետի պարտականությունները, անհրաժեշտ հիմնական հմտությունները և ինչպես սկսել աշխատել այս ոլորտում:
Ի՞նչ է անում սոցիալական մեդիայի մենեջերը.
Սոցիալական մեդիայի մենեջերները սովորաբար պատասխանատու են հետևորդների ավելացման ռազմավարությունների մշակման, սոցիալական արշավների ստեղծման և վերահսկման, բովանդակության ստեղծման, վերլուծությունների վերանայման և ընկերության հիմնական շահագրգիռ կողմերի հետ հաղորդակցվելու գործում:
Որպես SMM մասնագետ՝ Ձեր պարտականություններից որոշները կախված կլինեն Ձեր ընկերության չափից: Օրինակ, եթե ավելի մեծ կազմակերպությունների SMM մասնագետներից շատերը սովորաբար նախընտրում են կրկնօրինակել, քան ստեղծել նոր բովանդակություն, ապա ավելի փոքր ընկերությունների սոցիալական մեդիայի մենեջերներն ավելի շատ կենտրոնանում են նորը ստեղծելու վրա:
Եթե Դուք հետաքրքրված եք սոցիալական մեդիայի մենեջերի աշխատանքով, Ձեր պարտականությունները կարող են ներառել հետևյալը.
- Հետևորդների ավելացում և ներգրավվածության խթանում.
Բարելավեք ընկերության պրոֆիլը բոլոր ակտիվ սոցիալական հարթակներում՝ ավելացնելով դրանց հետևորդների թիվը և նրանց ներգրավվածության քանակը (հավանումներ, մեկնաբանություններ, տարածումներ): Այս ամենին հասնելու համար Ձեզանից կարող է պահանջվել ստեղծել գրավոր կամ վիզուալ գրառումներ:
- Բովանդակության և արշավների ռազմավարություն.
Ներգրավվածությունը խթանելու համար Դուք պատասխանատու կլինեք սոցիալական արշավների գաղափարների (և երբեմն իրականացման) գործում, որոնք պետք է համահունչ լինեն ընկերության գլխավոր մարքեթինգային ռազմավարությունների հետ: Դուք պետք է նաև ստեղծեք գաղափարներ՝ ինչպես ժամանակավոր, այնպես էլ մշտական բովանդակության համար, կամ պարզապես վերաօգտագործեք օգտատերերի կողմից ստեղծված բովանդակությունը:
- Տվյալների վերլուծություն.
Բացի ստեղծագործական աշխատանքից՝ Դուք նաև կկատարեք տվյալների վերլուծություն՝ եզրակացություններ անելու այն մասին, թե ինչպես են աշխատում ընկերության հրապարակումները և բովանդակությունը: Սա կարող է ներառել սոցիալական լսումներ՝ վերահսկելով, թե սոցիալական մեդիայի օգտատերերն ինչ են կարծում տվյալ ապրանքանիշի կամ այլ մրցակիցների մասին:
- Հաշվետվություններ հիմնական շահագրգիռ կողմերին.
Ընկերությունները ցանկանում են իմանալ, թե կատարված աշխատանքն ինչպիսի ազդեցություն է ունեցել․ հետևաբար, Ձեզանից ակնկալվում է Ձեր մարքեթինգային թիմին և նույնիսկ ընկերության շահագրգիռ կողմերին տալ հաշվետվություններ ձեռքբերումների կամ ծագած խնդիրների մասին: Նրանք հավանաբար կցանկանան տեսնել, թե ինչպես եք դուք մեծացնում հետևորդների քանակը, ինչպես նաև ներգրավվածությունը, ստեղծում կրեատիվ բովանդակություն և սոցիալական արշավներ:
- Սոցիալական մեդիա հարթակների տեղադրում և մոնիթորինգ.
Կախված Ձեր թիմի քանակից՝ Դուք կարող եք պատասխանատու լինել բոլոր սոցիալական հարթակներում գրառումներ տեղադրելու և վերահսկելու համար: Այդ դեպքում Ձեզ հարկավոր է պլանավորել հրապարակումները և հետևել հետևորդների արձագանքներին: Դուք պետք է նաև հետևողական լինեք հետևորդների մեկնաբանություններին և հաղորդագրություններին դրանց արձագանքելու համար:
Ինչպե՞ս դառնալ SMM մասնագետ
Սոցիալական մեդիայի մենեջեր դառնալը հաճախ պահանջում է կրթության և փորձի համադրություն, թեև առանձնահատկությունները կարող են տարբերվել՝ կախված ընկերությունից:
Եթե պատրաստ եք սկսել սովորել, ապա միացեք մեր «SMM դասընթաց սկսնակների համար» դասընթացին և ընդամենը 1 ամսում ձեռք կբերեք համապատասխան գիտելիքներ այդ ոլորտում աշխատանք գտնելու և այն լիարժեք իրականացնելու համար: