Մարդկային ռեսուրսների կառավարիչը օրվա ընթացքում ունի բազմաթիվ պարտականություններ, որոնք ներառում են նոր աշխատակիցների աշխատանքի ընդունում, անձնակազմի հաղորդակցման կառավարում, աշխատակիցների աշխատանքի արդյունավետության ստուգում և աշխատավարձի հաշվարկման պարտականությունների կատարում:
Աշխատանքի տեղավորում
HR մենեջերի համար աշխատանքային օրվա ամենանշանակալի մասը նոր աշխատակիցների ընդունումն է: ՄՌԿ մասնագետը պատասխանատու է նոր թեկնածուների հավաքագրման, հարցազրույցների անցկացման և թեկնածուների ընտրության գործում: Ընկերության մշակույթը (ստանդարտները) մեծ դեր ունի աշխատանքի ընդունման գործընթացում, քանի որ մարդկային ռեսուրսների կառավարիչները ցանկանում են համոզվել` արդյոք նոր աշխատակիցները կարող են աշխատել ներկայիս անձնակազմի հետ և նպաստել կազմակերպության աճին:
Հավաքագրում
HR manager-ներն օգտվում են աշխատանքի տեղավորման բազմաթիվ կայքերից՝ հայտնաբերելու նոր թեկնածուների կազմակերպությունում թափուր հաստիքի համար: Նրանք պարտավոր են գրել աշխատանքային նկարագիր և համագործակցել գործադիր կառավարչի հետ՝ պարզելու, թե ինչպիսի առանձնահատկություններ և հատկանիշներ պետք է ունենա թեկնածուն։
Հարցազրույց
Մարդկային ռեսուրսների կառավարիչը սովորաբար առաջինն է անցկացնում հարցազրույցը նոր թեկնածուի հետ: Նա ներկայացնում է կազմակերպությունը, նկարագրում աշխատանքը և պարզում, թե արդյոք թեկնածուն կարող է անցնել աշխատանքի ընդունման փուլ: Թեկնածուին ընտրելուց հետո HR manager-ը CV-ն վերանայելու համար այն փոխանցում է մենեջերին (տնօրենին):
Թեկնածուների ընտրություն
ՄՌԿ մենեջերը կազմակերպության այն մարդկանցից է, ով իր անմիջական դերն ունի թեկնածուի ընտրության գործում:
Աշխատակցի ընդունումից հետո HR manager-ն անցկացնում է մի շարք հանդիպումներ թիմի նոր անդամի հետ՝ տեղեկացնելու, որպես կազմակերպության աշխատակից, իր իրավունքների մասին: Նա նաև կօգնի նոր աշխատակցին կողմնորոշվել կազմակերպության գործերում, լրացնել անհրաժեշտ փաստաթղթերը և վերջնական տեսքի բերել պայմանագրերը։
Թիմ (Մարդիկ)
Մարդկային ռեսուրսների մենեջերը ոչ միայն պատասխանատու է նոր աշխատակիցների ընդունման գործընթացում, այլ նաև պետք է նպաստի նրանց կարիերայի զարգացմանը, համոզվի, որ աշխատանքային կանոնները պահպանվում են։ Սակայն երբեմն էլ այս ամենի հետ մեկտեղ անհրաժեշտ է նրանց թողնել ինքնուրույն։
Աշխատանքային օրենսգիրք
HR manager-ը պետք է տիրապետի ներկայիս ՀՀ աշխատանքային օրենսգրքին։
Աշխատակիցներն ունեն խտրականությունից և ոտնձգություններից զերծ լինելու, ապահով աշխատավայրի, գործատուի դեմ հայց կամ բողոք ներկայացնելու և կատարած աշխատանքի դիմաց աշխատավարձ ստանալու իրավունք: Աշխատանքային ստանդարտների մասին օրենքը տրամադրում է նաև աշխատակիցների աշխատանքային օրերի տևողության և ընդմիջումների վերաբերյալ կանոններ:
Կարիերայի զարգացում
Մարդկային ռեսուրսների կառավարման մենեջերները պետք է ունենան ղեկավարման հմտություններ՝ անձնակազմին ուղղորդելու իրենց պարտականությունների կատարման գործում: Ավելին, նրանք առաջարկում են կարիերայի զարգացման ուղեցույց այն աշխատակիցներին, ովքեր ցանկանում են առաջ շարժվել կազմակերպությունում: Շատ ընկերություններ աշխատակիցների համար անցկացնում են կարիերայի զարգացման վերաբերյալ սեմինարներ՝ կատարելագործելու նրանց հմտությունները և գիտելիքները, ինչի շնորհիվ վերջիններս ավելի լավ կնպաստեն ընկերության զարգացմանը:
Դրսևորում
Կարիերայի զարգացման փուլում HR մենեջերն օրվա ընթացքում բաժնի ղեկավարի հետ միասին պետք է կատարի աշխատակիցների դրսևորման վերանայումներ: Նա պետք է նաև միջնորդի կազմակերպությունում վեճերը՝ պահպանելով աշխատանքային բոլոր օրենքներն ու կանոնակարգերը:
Աշխատակիցների դրսևորման վերանայումներ
Խթանելով կազմակերպության աշխատուժի կատարվող աշխատանքը՝ գոյություն ունեն աշխատակիցների դրսևորման վերանայումների չորս տեսակներ․
- Թվային գնահատման սանդղակ
Այն շատ տարածված է շնորհիվ իր պարզության (այսինքն՝ 1-ից 5 գնահատման սանդղակով): Մարդկային ռեսուրսների մենեջերը գնահատում է աշխատակիցներին՝ հիմնվելով նրանց թիմային աշխատանքի, հուսալիության և մանրուքների նկատմամբ ուշադրության վրա:
- Նպատակների վրա հիմնված դրսևորման վերանայում
HR մասնագետը աշխատողի մենեջերի հետ միասին հանձնարարական է դնում աշխատակցի համար, որը վերջինս պետք է կատարի սահմանված ժամկետում:
- 360 աստիճանի գնահատում
Մարդկային ռեսուրսների մենեջերը տեղեկատվություն է հավաքում տարբեր տեղերից, ներառյալ ղեկավարներից և գործընկերներից, աշխատողի աշխատանքը գնահատելու համար։
- Կրիտիկական միջադեպեր
Գնահատման այս տեսակը ՄՌԿ մասնագետին թույլ է տալիս դիտարկել կարևոր իրադարձությունները, երբ աշխատակիցը ինչ-որ բան լավ է արել կամ պետք է աշխատի որևէ հմտության վրա՝ հետագա հաջողության համար:
- Վեճերի միջնորդություն
HR մենեջերները պետք է լուծեն անձնակազմի խնդիրները՝ միջնորդելով վեճերը և ուղղորդելով կարգապահական ընթացակարգերը: Human Resources Manager-ը պետք է ունենա որոշումներ կայացնելու հմտություններ՝ բալանսավորելու բոլորի ուժեղ և թույլ կողմերը և վերջում ընտրելու միջնորդության ընթացքում գործողության լավագույն տարբերակը:
HR մենեջեր լինելը կարող է լինել հաճելի կարիերա, քանի որ Դուք ձևավորում եք շատ աշխատակիցների ապագան: Մարդկային ռեսուրսների մենեջերն օգնում է աշխատանքի ընդունել, զարգացնել և գնահատել այդ աշխատակիցների աշխատանքը կազմակերպությունում նրանց ներդրման գործով:
Ինչպե՞ս դառնալ HR manager
Եթե պատրաստ եք սկսել սովորել, ապա միացեք մեր «Մարդկային ռեսուրսների կառավարում սկսնակների համար» դասընթացին և ընդամենը 2 ամսում ձեռք կբերեք համապատասխան գիտելիքներ այդ ոլորտում աշխատանք գտնելու և այն լիարժեք իրականացնելու համար: